Во недела, Кичево не само што избира градоначалник, туку и потенцијално го поставува темелот за нов политички курс кој би можел да биде историски. Кичевчани имаат реална шанса за првпат да изберат градоначалник кој не е дел од мнозинската етничка заедница. Доколку тоа се случи, ќе биде преседан – не само за западниот дел од државата, туку за цела Македонија.
Битката се води меѓу актуелниот градоначалник Фатмир Дехари, кој бара четврт мандат, и Александар Јовановски од ВМРО-ДПМНЕ, кој во првиот круг доби најголема поддршка.
Јовановски влезе во кампањата тивко, без врева и еуфорија, но со јасна и структурирана програма – ефикасна администрација, инфраструктурни проекти, урбан развој и враќање на довербата во институциите. Посебен акцент стави на заедништво, надминување на етничките линии и работа за сите граѓани, без разлика на етничка или верска припадност.
Во јавноста е препознаен како човек кој обединува – скромен, пристапен, и семејно поврзан со албанската заедница, што дополнително го позиционира како симбол на можен нов почеток за Кичево.
Како горливо прашање мое , кое многу ме боли, со години веќе низ мојата пракса, најитно што можам ќе отворам центри за згрижување на деца со посебни потреби и исто така на возрасни кои патат од деменција и алцхајмер за да им ослесниме на нивните семејства во секојдневното функционирање, а нормално на дечињата да им пружиме особено она што им е потребно за да постигнат едно ниво на развој каде што ќе можат да бидат само одржливи, вели Александар Јовановски – кандидат на ВМРО-ДПМНЕ и коалцијата
Неговата кандидатура доби сериозно засилување во вториот круг – откако коалицијата ВРЕДИ официјално преку соопштение реши да не му даде поддршка на Дехари, по отпаѓањето на нивниот кандидат Фатмир Лимани. Иако лидерот на Беса, Биљал Касами, индиректно испрати позитивен сигнал кон Дехари, мнозинството од партиските структури на ВРЕДИ во Кичево, сепак, се изјаснија дека нивниот апел за гласање не е за кандидатот на ДУИ.
Инаку како второпласиран Дехари од редовите на ДУИ раководи со општината цели 12 години и сега нуди решение на пробленми не успеал да ги реши во претходните над едно децениски мандати.
Ќе продолжиме со иста транспарентност, но и со уште поголема храброст,да го изградиме нашиот град како функционален, модерен град,со современа инфраструктура, хигиена, чистота,нови канализации и сите оние потреби што му се неопходни на секој граѓанин.Ќе продолжиме како институција да се грижиме за ситешто имаат потреба од поддршка, вели Фатмир Дехари – кандидат за градоначалник од ДУИ
Но, наместо проекти, во фокусот на јавноста се најдоа неколку контроверзии.
Во текот на кампањата се појавија две аудио „бомби“ – на едната, Дехари наводно користи навредливи и сексистички зборови кон жена, а на другата се слушаат погрдни изрази во друг контекст. Снимките кренаа прашина и ја засенија неговата политичка порака.
Резултатите од првиот круг ја навестуваат потенцијалната промена. Јовановски освои 44,5% од гласовите или 11.682 гласа, Дехари 21,28% или 5.586 гласа, Лимани од ВЛЕН 15,86%, а независниот Шкодран Алили 15,26%. Гласовите од Лимани и Алили може да бидат решавачки.
