Откако Бугарите останаа на цедило, сепак македонскитевласти решија да одат со главата во ѕид и да го туркаат проектот за изградба на фабриката за електрични автомобили. Една година пред да дојдат во Македонија, компанијата Е.Го потпиша договор во Бугарија за изградба на иста фабрика и таму, но иако таму немаше никаков траг од градење, власта на СДСМ и ДУИ и кај нас удри лопата и потпиша договор за да и дадеме државна помош на германската компанија која две години подоцна прогласи банкрот.
Информациите како и во Македонија и во Бугарија се оскудни. Како што пренесуваат бугарските медиуми, иако договорот бил потпишан уште во 2021, не помалку помпезно од колку во Македонија, а рокот за изградба бил крајот на 2023 , на локацијата предвидена за фабриката изградена е фотоволтаична централа. Бугарските власти тврдеа пред граѓаните дека изградбата е во тек, а централата ќе произведувала струја за потребите на компанијата. Она што се знае дека и таму беше одобрена државна помош, а освен оние возила кои за промоција биле донесени во Софија, до ден денес електричен автомобил не е произведен во Бугарија. Нејасно е и зошто толку се форсираше проектот со фирма која, според новинарските записи во Бугарија, уште во 2020-та поднела барање за стечај исто поради неповолно пазарно опкружување. Договорот со Е.Г.О никогаш не беше презентиран во јавност, а се уште е нејасно што се случи и со одобрената државна помош од 42,5 милиони евра народни пари Од ТИРЗ тврдат дека ниту денар не е исплатен, но ВМРО- ДПМНЕ се сомнева во ова тврдење . Тие бараат истрага, одговорност и отчетност.
СДС не можат фабрика за пластични детски автомобили да донесат, а не пак за електрични, се покажа колку се кадарни.Лагата за фабриката за електрични возила во Тетово испука како пренапумпан балон.Ниту фабрика, има, ниту автомобили, само потрошени народни пари за промоција за некаков инвеститор. Од фабриката за автомобили покрај најавите, бината и лопатите остана и ветената државна помош, која власта во неколку наврати ја ветува, и за која ако е исплатена ќе следи одговорност, велат од ВМРО-ДПМНЕ
Голема помпезност за најава на изградба на фабриката и потпишување на договорот за државна помош, со народни пари беше организирана на годишнината на рамковниот договор на 13 август 2022 година каде присуствуваше цела Влада.Одтогаш на локацијата стоеа само метални шипки кои го симболизираа камен – темелникот, неколку месеци подоцна од ТИРЗ се правдаа дека се групираат парцелите и се чека на одобренија за градба на државно земјиште.
