Јавен укор, парична казна или разрешување го чека судијата Пајазит Пајазити којшто го стави во домашен притвор избеганиот поранешен командант на УЧК, Блерим Рамадани.
Комисија составена од членови на Судскиот совет веќе го разгледува барањето за утврдување одговорност кој го поднесе судијата и член на советот, Алкесандар Камбовски. На некоја од наредните седници, комисијата ќе треба да ја каже својата одлука, а потоа членовите ќе гласаат за казната што го чека Пајазити.
Судијата Александар Камбовски, беше дел од комисијата што Советот неодамна ја формираше со цел испитување на одлуките на скопскиот кривичен суд во врска со притворот на Рамадарни. Оваа комисија ја утврдуваше само фактичката состојба при носењето на одлуките на Пајазити за случајот со командантот на УЧК.
За предметот со Блерим Рамадани, Камбовски на седницата наведе дека судијата Пајазити во решението за определувањето на куќниот притвор дал исти причини како и претходно кога определил РАмадани да издржува притвор во Шутка.
Според Камвбовски, Пајазити не го определил начинот на кој надлежните од МВР ќе го вршат надзорот на куќниот притвор на Рамадани.
Колку за потсетување, уапсениот Рамадани, на 18 јули се согласил пред судијата Пајазити да биде екстрадиран по скратена постапка во Србија и се согласил да биде суден. Пајазити тогаш му определил притвор. Но, на 22 јули, Рамадани поднел жалба преку својот адвокат во кој навел дека не го разбрал преведувачот кога зборувал за скратената постапка за екстрадиција. Според Законот за меѓународна соработка, изјава за скратена постапка за екстрадиција е неотповиклива и не може да биде повлечена, па оттука Рамадани немал право да се премисли.
Сепак, судијата Пајазити го прифатил премислувањето и згора на тоа иако немало изменети околности и се уште постоела опасноста од бегство, на Рамадани му одредил куќен притвор и тоа да го издржува кај роднини.
На ниту една седница на СУдски не стана збор за тројцата колеги на Пајазити кои според одлуката на Врховен, одлучиле незаконито при неопределување екстрадиција на Рамадани.
Освен бурни рекации кај домашната јавност која чека одоворност од судиите, официјален Белград побара одговори од државните органи како Рамадани баран преку Интерпол од куќен успеа да избега за Косово.
