Македонија спроведува активна дипломатска офанзива која ја менува сликата за нас како држава на меѓународната сцена, и очигледно е дека вродува со плод. Прашањето за потпишување на друг билатерален договор со Бугарија со кој би се дал сет на гаранции дека со уставни измени се исполнети условите и нема да има нови билатерални барања на патот кон ЕУ, за експертите е наратив кој отвора нова перспектива за Македонија. Ваквиот предлог доаѓа од Томас Вајц, известувачот за Македонија во европскиот парламент, кој смета дека би било добро во ЕУ да се смени методот, односно одлуките да не се носат едногласно, туку со мнозинство гласови од членките.
Македонската влада доби ветар во грб и новата еврокомесарка за проширување со нејзиниот став дека ќе направи се билатерланите спорови да не бидат дел од процесот на преговори.
Според експертите очигледно е дека дипломатијата која ја водат македонските власти веќе не ја сместува Македонија само како нем набљудувач на масата .
Позициите на македонската влада се јасни дека стратешката цел останува полноправно членство кон ЕУ, но не со потклекнување на диктати од други земји. Уставни измени со одложено дејство се опцијата, но со претходно обезбедени јасни гаранции.
