Иста работа, а различна плата – оваа неправда мора да престане. Унифициран колективен договор со кој лекарите ќе имаат иста почетна нето плата без разлика дали работат во Скопје или во внатрешноста, итно запирање на одливот на здравствен кадар и реално зголемување на платите – ова се клучните барања на Независниот синдикат на здравствени работници, кои ги ставиле на маса во Министерството за здравство. Од страна на министерот Азир Алиу, тие добиле ветувања дека проблемите се решаваат полека но сигурно.
Другите клучни прашња од страна на синдикалците до министерството биле дефицитот на здравствен кадар во внатрешноста, кој масовно се префрла во Скопје, што дополнително ги осиромашува помалите здравствени установи. И решавањето на статусот на договорците на дело..Докторите од помалите места се жалат дека сериозен е дефицитот на медицински кадар.
Дека состојбата во Итната медицинска помош е сериозно загрижувачка, предупредија неодамна и од Фондот за здравствено осигурување. При спроведените контроли било утврдено дека недостасуваат ампули за болка, службите работеле без одобрени ценовници од ФЗОМ и Министерството за здравство и користеле интерни ценовници. Дополнително, кон Фондот биле неправилно фактурирани здравствени услуги.На сите служби им е даден рок од два месеци да ги отстранат утврдените неправилности, во спротивно ќе следуваат санкции.
