Продолжуваат инвестициите во јавното здравство. Вкупно околу 110 милиони денари се вложени во Клиниката за гинекологија и акушерство. Во реновирањето вложени се 35 милиони денари, а дополнителни 75 милиони денари се издвоени за медицинска опрема.Според претседателот на Владата целта е да се подобрат условите за пациентите и медицинскиот персонал, како и унапредување на здравствените услуги. Мицкоски упати директна порака до младите, охрабрувајќи ги да се реазлираат како родители.
“Мислам дека за бадијала ние правиме и училишта, градинки, игралишта, улици, ако нема кој тоа да го користи. Затоа мојата порака до малдите е дека љубовта кон татковината се манифестира со тоа што, тоа е лична одлука, но одлучуваме да создадеме семејство и да се реализираме како родители. Нашата цел е да го јакнеме јавното здравство, нашата политика е про-лајф политика. Да испратам една порака до младите, да одлучат да се реализираат како родители, да се раѓаат што е можно повеќе бебиња”, изјави претседателот на Владата, Христијан Мицкоски.
Министерот за здравство потенцираше дека овие инвестиции во здравството, ќе ја зголемат довербата на пациентите но и здравствените работници.
Новата опрема на ГАК опфаќа апарати за напредна ултразвучна дијагностика, современи системи за следење на бременоста како и опрема за минимално инвазивни интервбенции.Реновирани се повеќе болнички оддели и дијагностички простории“.
Од Владата најавија дека инвестициите во здравствениот систем продолжуваат и во наредниот период, со цел модерно, достапно и квалитетно здравство за сите граѓани.Предвидено е со британскиот договор да се реалзиираат крупни проекти, изградба на нови болници, реконструкции на здравствени установи но и нова зграда на Медицински факултет со нов студентски дом. Премиерот и министерот за здравство најавија дека најави дека ќе има пари и за нов Клинички центар.
