Инфлацијата во ноември 4% – Мицкоски очекува надолен тренд и исполнување на целта за инфлација помеѓу 2% и 3%

Инфлацијата мерена преку индексот на трошоците на животот во ноември изнесува 4%, а индексот на цените на мало бележи раст од 3%, покажуваат податоците на Државниот завод за статистика.
Во периодот октомври–ноември, на растот на трошоците на живот најмногу влијаел транспортот со 1,7%, потоа рекреација и култура (0,9%), храна и безалкохолни пијалаци (0,7%), мебел, покуќнина и одржување на домаќинствата (0,5%), ресторани и хотели и здравје (0,3%), алкохолни пијалаци, тутун и наркотici (0,2%), како и комуникации, облека и обувки и домување, вода, електрика, гас и други горива (0,1%).
Цените на мало во ноември 2025 година, во однос на октомври 2025 година, пораснале за 0,6%. Премиерот Мицкоски очекува надолен тренд и исполнување на зацртаните цели за инфлација од два до три проценти. Позитивни се очекувањата и на стопанствениците.