Инфлацијата мерена преку индексот на трошоците на животот во декември 2025 година, во однос на ноември 2025 година, изнесуваше 0,4 проценти, објави денеска Државниот завод за статистика.
МГС слика
А индексот на истите трошоци во 2025 година, во однос на 2024 година, бележи пораст од 4,1 процент. Движењето е различно кај одделни групи на потрошувачката. Пораст на индексите е забележан во сите групи.
Од Заводот за статистика појаснуваат дека зголемувањето на инфлацијата во декември 2025 година, во однос на ноември 2025 година, е резултат на зголемувањето на трошоците на животот во групите: транспорт, рекреација и култура, здравје, мебел, покуќнина и одржување на домаќинствата, ресторани и хотели и друго.
Во декември 2025 година, во однос на ноември 2025 година, намалување на трошоците на животот има во групите: храна и безалкохолни пијалаци, облека и обувки, а во образование и комуникации тие останале на исто ниво како и во претходниот месец.
