Нов ден, стара песна. Закочен сообраќај во главниот град, густа магла и загаденост. Експертите предупредуваат дека автомобилите, јавниот превоз и тешките товарни возила дополнително го “трујат” воздухот. Според анализите, главни фактори кои го загадуваат воздухот се и домаќинствата и индустријата.
И денеска скопјани продолжуваат да се гушат во токсични честички. Но кој е лекот? Според експертите, загадувањето на воздухот значајно би се намалило, ако се намали и интензитетот на сообраќај низ булеварите..
Надлежните предлагаат алтернативи за да се намали аерозагадувањето – пешачење, возење на велосипед и користење на јавен превоз.
Од Автокоманда до Центар со возило се стигнува за околу 15тина минути…стотици возила на стоијат во место на семафори, и тоа дополнително го загадува воздухот.
Не само во Скопје, алармантен е квалитетот на воздухот во повеќе градови. На некои места е веќе надминат прагот. Токсичен воздух има и во Струмица, Битола, Кичево…
На пладне вредностите на загаденост се намалија, но сепак, најзагадено беше во Кичево со 104 ПМ 10 честички на метар кубен, Струмица 53, и Битола 44.
Министерството за животна средина ги повика сите институции, општините и Град Скопје да ги извршуваат обврските предвидени со Акцискиот план и да ги засилат инспекциските надзори, контролите во станиците за технички преглед на возилата, да се проверува нивната исправност.
Лекарите велат, од токсичниот воздух особено на удар се децата и хронично болните.Амбулантите полни со пациенти. Кашлица, тешко дишење,печење на градите, течење на носот, солзење на очите, гребење во грлото се само дел од негативните последици по здравјето поради загадениот воздух, се жалат граѓаните.
Статистиките покажуваат дека поради енормното загадување,годишно во светот умираат најмалку 3.000 луѓе.
