Хаосот со личните документи што ги снајде граѓаните, удри по туристичкиот сектор. 20 % од пролетните аранжмани се веќе откажани, а намалени се и уплатите за претстојната летна сезона бидејќи граѓаните не знаат дали до тогаш ќе имаат валидни пасоши, Алфа праша неколку туристичките агенции.
Дел од нив, се жалат дека работата им трпи, а засега прават пресметки колку пари ќе загубат поради што се уште е неизвесна рефундацијата на веќе резервираните и уплатените авио билети и аранжмани.Сопственичката на агенцијата Go Travel, Силвана Јовановка појаснува дека веќе проблемите почнале да се појавуваат, а штета трпат не само агенциите, туку и граѓаните.
Овен што нема уплати за летната сезона, аранжмани се откажуваат за Осми март, Велигден, Први мај. Јовановска вели дека прават напори, уплатените резервации коишто ќе пропаднат, да не се одразат по џебот на граѓаните.
Од друга труристичка агенција, која инсистираше на анонимност велат дека трпат огромни загуби поради неажурноста на државата – непополнувањето на бројката на групите значи и плаќање на пенали. Агенциите имаат проблем и со бродските компании и реномираните хотели кои не враќаат пари на веќе договорени патувања.
Оттаму објаснуваат дека дури и дел од оние кои имаат нов пасош би можеле да извисат, зашто се приморани да откажуваат цели аранжамани доколку не успеат да го пополнат минималниот број на патници.
