Ѓубре на сите страни, преполни канти, мочуришта наместо езерца. Ваква е сликата во Градскиот парк во Скопје, место кое служи за рекреација на граѓаните. Посетителите разочарани од негрижата на градските власти, но и ниското ниво на култура и свест за хигиена кај граѓаните.
Езерцата во паркот кои некогаш беа вистинска атракција за посетителите, сега подолго време се во очајна состојба. Водата е зелена, а натрупаните лисја ја менуваат сликата дека на местото имало езерце.
Освен лошата глетка, тука се и небезбедните бандери, кои претсавуваат голема опасност за најмладите. Екипата на Алфа при обиклолката на градскиот парк забележа непокриени бандери од каде што висат бројни кабли.
Исто така, мнема ни трага ни глас од „најдобриот луна парк на Балканот“ што го ветуваше градоначалничката Данела Арсовска .Наместо ролеркостери, вртелешки, тобогани, 7Д кино, картин, во градскиот парк се вратија старите реквизити.
Арсовска освен градфскиот парк на скопјани им ветуваше уште пет други мега паркови во Гази Баба, Чаир, Ѓорче Петров, Аеродром и Кисела Вода. Но и од ова ветување нема ништо.
Давид Крстевски
