Македонија се движи во вистинскиот правец, а премиерот Христијан Мицкоски и новата Влада, ја имаат довербата од мнозинството граѓани. Ова го покажува најновата анкета на „Маркет Вижн“ направена по нарачка на МКД.мк, во која граѓаните дадоа позитивна оценка за работата на владата во првите пет месеци. Анкетата покажа дека 40,3 отсто од испитаниците одговориле дека се задоволни или многу задоволни од работата на Христијан Мицкоски.
Македонските граѓани се задоволни и од работата на Владата во изминатите пет месеци. Вкупно 38.9 отсто од испитаниците одговориле дека се задоволни или се многу задоволни. Немаат став 24,4%, а 31,2 отсто одговориле дека не се задоволни или воопшто не се задоволни.
Дека Македонија се движи во правилна насока сметаат 35,6 отсто од испитаниците, додека 34,3 сметаат дека се движи во погрешна насока. И за мерките кои оваа Влада ги презеде, особено оние поврзани со распределбата на средствата од кредитот од Унгарија, македонските граѓани главно имаат позитивиен став. 30.3% одговориле дека ја одобруваат ваквата одлука. Не ја одобруваат 22,4% додека неутрални биле 23,6%. Не сакале да одговорат затоа што немале доволно информации биле 23% од испитаниците.
Според анкетата премиерот и лидер на ВМРО ДПМНЕ Христијан Мицкоски убедливо е на првото место на листата на политичари во кои граѓаните на Македонија имаат доверба со рејтинг од 27,2%. За разлика од него Венко Филипче како лидер на СДСМ ужива само 3,6% доверба.. ВМРО ДМНЕ останува цврсто на врвот на листата од партии за која граѓаните би гласале ако утре се одржат нови парламентарни избори, а СДСМ падна на четвртата позиција.
Анкетата на агенцијата Маркет вижн била направена од 6 до 15 декември на 1200 испитаници.
Љубиша Владимиров