Граѓаните на само еден ден пред големите христијански празници Бадник и Божик, ги финишираат последните подготовки за нивните трпези. На Бадниковата трпеза и годинава ќе се стави од се по малку, ама за разлика од лани, годинава ќе боде побогата. Цените годинава се по пристпани за разлика од лани. Иако е денеска недела, атмосферата е раздвижена. Посебно на пазарите каде граѓаните ги купуваат потребните намирници. Главно се задоволни оти цените се намалени како резултат на акцијата „Новогодишна кошница“.
Традиционално, деновите за Бадник и Божик се со богата трпеза. Утре на Бадник таа е посна. На денот на Христовото раѓање може да биде и мрсна оти тогаш завршува 40 дневниот пост. На празничната трпеза ќе се најдат гравче, риба, месо, печени пиперчиња, салати и десерти.
Традицијата е Бадник и Божик да се прославуваат во кругот на семејството. Или како што се вели, пред Божик зад Божик кај и да си, дома да си. Дел од традицијата се и коледарчињата кои утре изутрина ќе ги пеат коледарските песни најавувајќи го Божик. Домаќините традиционално за нив подготвуваат пакетчиња и подароци како бонбони, костени, ореви, суви сливи, смокви и урми.
Давид Крстевски