„Не дозволуваме леарница на алуминиум во нашата општина„ порачаа еко активистите од струмичко Ново Село, кои денеска протестираа пред општинската зграда. На самиот протест им се придружи и градоначалникот, кој им порача дека ќе тој ќе биде првиот и ќе го поведе народот доколку се утврди дека објектот откако ќе почне да работи, ќе загадува.
- „Јас како млад човек,после почнуваањето на фабриката доколку постои било какво отстапување или загадување дури од една јота , јас како млад човек ќе ги предводам граѓаните и истиот објект ќе го разградиме. Доколку го погледнеме објектот во воздушна линија се гледа и мојата семејна куќа и не би дозволил било какво загадување„ изјави Ѓорѓе Божинов, градоначалник на Ново Село
Еко активистите, тврдат, дека изградбата на ваква фабрика во близина на реката и изворите за вода во Ново Село, ќе бидат погубни за Струмичката котлина.
- „Ова е последен предупредувачки момент . Сакаме на јавноста уште еднашка да и ја свртеме вниманието, за огромните опасности што ќе ги предизвика изградбата и ставањето во функција на таквата леарницаи тополницата„ изјави Костадин Ристоманов, од Здружението Здрава котлина.
- „Ќе дадеме апел кон политичарите, дали тоа се локални или државни. Да ги разгледат законите и ако е во ред да се граде, а ако не е да се прекине„ изјави Ристо Вучков, земјоделец од струмичкото село.
Еко активистите на денешниот протест изведоа и перформанс со кој упатија порака дека изградбата на леарница и рудници, ќе значи смрт за Струмичката котлина. Реагираат дека од страна на градоначалникот им бил забрането да направат увид во целата документација поврзана со изградбата на спорниот објект.
- „Сакаме да знаеме што конкретно има во нивните документи. Односно барааме градежна дозвола и го бараме елаборатот за животна средина„ изјави Стојан Велков , еко активист.
Градоначалникот ги отфрли обвинувањета на еко активистите дека не им дозволил да извршат увид во документацијатата.
- „Согласно увидот на терен, кога дојдоа експертите, заедно бевме тие констатираа дека ниту во моментот, ниту по приложената документација таа фабриката не е ризик по животната средина“ рече Божиновски.
Дозвола за градба за овој објект е издадена во август 2023, а со работа треба да започне кон крајот на годината. Инвестициијата е околу 3,5милиони евра. Во рамки на објектот ќе има три фабрики. Едната за преработка на алуминиум, другата за дробење и склад.
Александра Ристевска
