Година на финнсиска стабилизација, вака директорот на најголемиот здравствен центар во источниот дел на државата ја оценува годината што изминува. Според д-р Владко Захариев, направен е значителен исчекор во намалувањето на заостанатиот долг. Од август минатата година , до крајот на оваа се вратени над 150 милиони денари. Тој посочува дека при преИма значително намалување на долгот. Најголем дел од долгот што ќе остане, односно околу 60% е кон Центарот за трансфузиологија.
„Би кажал прво дека е година на финансиска стабилизација…Споредбено со долгот од август 2024, кога ја и презедов функцијата долгот беше 188 милиони денари и очекуваме до 31 декември долгот да го намалиме и да биде околу 35 милиони „ изјави д-р Владко Захариев, директор на Клиничка болница Штип.
Покрај финансиска консолидација, годинава се работеше и на намалување на дефицитот од медицински кадар. Реализирани се 36 нови вработувања, со што значително се подобрена кадровската структура, имајќи во предвид дека со години болницата функционирала со околу 30% помалку персонал од предвиденото. Преку владиниот проект, во штипската болница се вработија и 18 приватни специјализанти.
„Некој од нив веќе специјализираа и веќе се специјалисти во болницата. Го реализиравме и другиот оглас со 18вработувања, каде има седум општи лекари, двајца фармацефти и медицински сестри. Во 2026 ни е стратегија ни е поагресивно да имаме прием на персонал кој во моментот е најдефицитарен, а тоа се медицински сестри, болничари, хегиеничари, администрација и техничачки персонал„ изјави д-рВладко Захариев, директор на Клиничка болница, Штип.
Во моментот се крои буџетот за наредната година. Од Фондот за здравство ќе бараат зголемување за од околу 35 до 40%. И годинава се планирани набавка на нови медицинска опрема, сервисирање на дотраените апарати, како и нови вработувања. Веќе во првите месеци од годината се очекува да биде распишан оглас за вработување на уште 25 медицински сестри, болничари и хигиеничари.
