Во Македонија во последните три години биле регистрирани 12 фемициди, а годинава имаше пет случаи на насилство врз жени кои завршија кобно во Кавадарци, Неготино, Шуто Оризари, Скопје, Штип и Велес. Од денеска започнува кампањата „16 Дена активизам против родово базирано насилство“ која се одржува секоја година од 25-ти ноември до 10-ти декември. Волонтерите од ХЕРА велат дека жените – жртви на семејно насилство со години се занемарени од институциите и дека кога ќе се охрабрат да пријават не добиваар навремена институционална помош.
Сѐ повеќе жртви се охрабруваат да побараат помош и да проговорат гласно за семејното насилство. Според статистиките пд Националниот совет за родова рамноправност, пријави стигнувале од самата жртва, но и од член на семејството, полицијата или матичниот лекар, а најчесто се пријавувало психичко и физичко насилство.
Минатата година 83.000 жени и девојки биле намерно убиени низ целиот свет. Од тој број, 60 проценти биле убиени од партнер или член на семејството. Тоа значи дека околу 50.000 жени биле убиени од некој близок, што значи 137 дневно или една не секои 10 миниту – според извештајот на Обединетите нации објавено по повод Меѓународниот ден за елиминација на насилство врз жените.
Давид Крстевски
