Бугарија нема повторно да преговара за условите од договорот со Македонија, изјави вршителот на должноста премиер на Бугарија, Димитар Главчев.
„Нема за што да се преговара. Имаме позиција на Бугарија. Тие велат дека нема да преговараат со преодната влада, но јас би рекол дека нема од наша страна желба за преговори, нема за што да преговараме. Постои европска позиција. На последниот Европски совет изјавив дека Република Северна Македонија не ги почитува своите обврски, а тоа го кажа и премиерот на Грција. Република Северна Македонија не го почитува договорот од Преспа, затоа го кажавме нашиот став на највисоко можно ниво – Европскиот совет“, рече тој, пренесе „БНР.бг“.
Неговата изјава е одговор на инсистирањето на партијата Има таков народ за итна и одлучна реакција на новите тврдења против веќе преземените обврски од таканаречениот француски предлог.
