Само што седна на спикерското столче во Собранието и по првото интервју Африм Гаши го доби првиот спин за тоа која е неговата татковина. Откако дел од медиумите објавија дека Гаши рекол Косово, а не Македонија, денеска на Фејсбук тој се објаснуваше дека бил погрешно разбран и пренесен. Како што пишува, тој во интервјуто за националната косовска тлевизија рекол дека Косово е татковина на неговите родители, а не нему.
Како претседател на Собранието на сите граѓани на Република Северна Македонија, сакам да појаснам дека Африм Гаши е роден во Скопје, каде живее и работи со своето семејство, а негова татковина е Северна Македонија.
Да појаснам и за јавноста, точната изјава во моето интервју беше дека „Косово е родно место или татковина на моите родители и јас го почитувам како такво заради нив“, пишува Африм Гаши на Фејсбук.
Колкав беше ефектот од погрешената информација во дел од медиумите, покажа и реакцијата на претседателот на ВМРО ДПМНЕ Христијан Мискоски, кој од новинарите диозна дека Гаши наводно изјавил такво нешто. Мицкоски рече дека не слушнал и прочитал такво нешто, но доколку тоа било вистина рече дека би било добро Гаши да им се извини на граѓаните.
Што точно кажал Гаши, отсликува интервјуто кое е достапно за јавноста и во кое јасно се слуша дека тој појаснува за своето потекло, односно дека Косово му е татковина бидејќи до 1990-та немало никакви разлики. Како што објаснува Гаши, потоа биле воспоставени административните граници меѓу земјите од поранешна Југославија.
Инаку ова не е прв пат по изборите дел од емдиумите во државава да спинуваат и да пшремнесуваат погрешни информации за јавни настапи на лидерите од коалицијата ВРЕДИ. Претходно од контекст беше изваден, одно погрешно пренесен и ставот на Арбен Таравари кој во интервју за националната телевизија на Косово зборуваше околу преговорите за поделбарта на ресиорите во новата македонска Влада.
