Недостиг на лекови за болка во Итната медицинска помош, незаконско наплатени здравствени услуги, неправилно фактурирање трошоци кон Фондот за здравство, сериозен дефицит на медицински кадар во дел од здравствени установи, а некои директори на Клиники на своја рака си ги зголемувале платите спортивно од закон – контролите на Фондот открија серија пропусти во повеќе од 15 здравствени установи ширум државата. Најголеми проблеми се нотирани во Брзата помош и службите за домашна посета. Според директорот на Фондот Клековски за овие прекршоци во дел од нив има елементи на кривични дела.
Клековски вели при вонредните контроли утврдено е дека доктори си натпишувале дежурства за да дојдат до поголема плата. А директорите што си ја зголемувале платата за 10 проценти незаконски се бара од нив парите да ги вратат.
Вонредните конторли од ФЗОМ биле направени во 37 здравствени установи, 29 низ внатрешноста и 8 во Скопје.
Клековски најави дека секаде каде што се утврдени неправилности во болниците и клиниките имаат рок од два месеци да си ги регулираат проблемите.
Следни на финансико чешлање се приватните гинеколози. Таму ќе се прават темелни контроли заедно со УЈП и Финансова полиција.
