Нов ден, нова кавга на Филипче. Сега лидерот на СДСМ се скара и со Сашко Митовски, еден од само шестте градоначалници кои ги има партијата. И тој одработувал за интересите на ВМРО-ДПМНЕ и се договарал со Мицкоски. Причината за ударот на воинствениот Филипче врз својот градоначалник на Крива Паланка е најавата за отварање на рудник за антимон, кој се извезувал во Америка и би ја збогатило општината.
Наводниот грев на градоначалникот Митовски е што на својот Фејсбук профил рече дека Крива Паланка е рударски град и тоа не е само економија, туку дел од идентитетот. Тој порача дека секоја иницијатива за рударство треба внимателно да се разгледа. Според него на градот му требаат инвестиции и нови работни места, па ако навистина се потврди дека има големо наоѓалиште на антимон, тоа може да значи сериозен економски бенефит за локалната економија.
Доколку се потврдат анализите дека станува збор за едно од најголемите наоѓалишта на антимон, тогаш тоа отвора сериозна развојна перспектива и значајни придобивки за граѓаните на Крива Паланка. Но истовремено, мојата обврска како градоначалник е јасна и недвосмислена-да го заштитам здравјето на граѓаните и животната средина. Тоа е приоритет кој стои над сè друго. И тука нема тронка на компромис, вели Сашко Митовски, градоначалник на Крива Паланка.
Со овој удар на Филипче, Митковски влегува во друштвото на се побројните функционери на СДСМ кои лидерот јавно ги шиканира само затоа што размислуваат со своја глава. Во последните неколку месеци секој што ќе крене глас или ќе каже став кој не е идентичен со тој на Филипче и неговите неколкумина советници, по автоматизам е обвинет дека одработува за ВМРО-ДПМНЕ. Ако продолжи да му пркоси на лидерот, веднаш му следи исклучување, како случајот со Јован Деспотовски, Петре Шилегов и Радослав Трошановски, советникот од општина Карпош. Паралелно со внатрешната чистка, Филипче во последно време влезе и во теории на заговор од типот дека ВМРО-ДПМНЕ се инфилтрирале во неговата партија, дека Српските тајни служби работеле да го рушат, дека го следат Изралески шпиуни, и секако дека Алфа телевизија тера црна кампања против него со унгарски пари.
