Елиф Елмас игра во одлична форма по враќањето во Калчото, денеска ја затресе мрежата на Верона и стигна до погодокот број 4 на осум натпревари во дресот на Торино.
Македонецот попладнево прекрасно погоди со лева од врвот на шеснаесетникот и им донесе бод на „биковите“.
Течеше 67. минута од натпреварот, кога во казнениот простор топка прими Влашиќ, па го проигра Елмас. Македонскиот фудбалер шутираше по земја, а голманот на гостите беше маркиран и остана закопан во место, додека топката профуче на спротивната страна. Крајниот резултат на натпреварот заврши 1-1.
