Многу ветувања и фалби, а резултатите во борбата со корупција се нула. Обвинителството под полна пареа во борбата со справувањето на организиран криминал, но откако американската амбасада објави дека постојат докази за криминал, а македонските институции не го гледаат. Последниве случувања со новите имиња на црната листа на САД, акцијата „Адитив“ и историскиот брифинг на државниот обвинител на којшто покажа ажурност и посветеност, се поразителни за правораздавањето на граѓаните во Македонија. Вака припадници на правната фела го оценуваат разбудениот државен обвинител кој после бројни опомени реши да гони корупција. Поранешниот обвинител Воислав Димоски не е оптимист дека Обвинителството ќе покаже вистинска борба со корупцијата. Секоја реформа во било кој сектор со истите кадри, нема да биде спроведена, тврди тој.
Погубно е за граѓаните и нивното право на правда во државата кога Обвинителство оформува предмет откако Стејт Департментот на САД ја дополнува листата за Македонија, коментира адвокат Сашко Дуковски. И тој исто така не гледа оптимистички дека со овие кадри народот ќе живее во општество без корупција.
Имено, Обвителството се пофали дека работи на речиси сите коруптивни скандали за кои медиумите известуваат. За внукот на Али Ахмети, Дрин Ахмети и трговскиот центар Соравиа, надзорот на Бехтел и Енка, случајот со Лотарија и сомнителните лиценци за онлајн игри на среќа, опожарената модуларна болница во Тетово во којашто загинаа 14 лица, а се уште официјално виновник е кабелот.Ова се само дел од пред истрагите и истрагите за коишто државниот обвинител Љупчо Коцевски, заедно со шефот на Организиран Ислам Абази и шефот на скопското обвинителство Гаврил Бубевски се пофалија дека активно ги работат.
Првиот човек на обвинителството Коцевски најави дека наскоро пред јавноста ќе бидат презентирани конкретни резултати, од ноформираното одделение за сложен и сериозен криминал. Ќе се апсат осомничени за финансиски криминал, корупција и за други тешки кривични дела.