Надзорот врз предметите за корупција и контролата во Организиран криминал кој го нареди државниот обвинител Љупчо Коцевски е само доказ дека Обвинителството не работело ништо. Тоа е најинертната институција во државата. Вака поранешниот антикорупционер, Восилав Зафировски ги оценува последните соопштенија на првиот човек на Обвинителството.
Коцевски со две соопштенија им нареди на обвинителите да стават приоритет на истрагите за корупција, да ги запазеле роковите, патем тоа им е законска обврска, и им направи вондреден надзор во Организиран криминал. Сето ова, е ѝ работа на Обвинителството, забележува Зафировски. Тој вели дека не е ни чудно што народот нема доверба во судскиот систем. Јавниот обвинител не е избран зошто е убав, негова основна задача е да гони, потенцира поранешниот антикорупционер.
Големи корупциски скандали во кои главните актери се функционери на ДУИ и СДСМ или нивни блиски луѓе, а Обвинителите се уште спијат. Не постои ниту една постапка против поранешни функционери, јавно инволнирани во коруптивни случаи, а никој не покрененал, ниту едно обвинение против нив.
Последно, државниот обвинител наместо да се занимава со гонење на криминал, тој води војна со неговите колеги-неистомисленици кај кои не пројдоа заканите и притисоците врз нив. Таков е случај е вишиот обвинител Јове Цветановски кој одлучи Организиран криминал да ја продолжи истрагата за бонусите на СЈО, но истовремено заработи или пак, го казнија со дисциплинска. Се уште е нејасно што претставува дисциплинската бидејќи пред Цветановски да ја донесе одлуката за бонусите, тој јавно обвини, дека се соочува со притисоци и закани.
Преку шефот на вишото обвинителство, Коцевски го предупредувал Цветановски да внимава со одлуката – Дали некој треба кривично да одговара за делењето на 4,6 милиони евра на специјалните обвинители, коишто ги плати народот.
Имено, Македонија измимативе годиини тоне во корупција и криминал според сите извештаи на Европската комисија. Смената на владејачката гарнитура овојпат не донесе и нов државен обвинител по теркот на изминатите влади. Познавачите говорат дека Коцевски не ја искористил шансата да покаже вистинска борба со корупција.