Расте бројката на пациенти заболени од рак на дојка. Последните податоци покажуваат дека секоја година бројката на жени помлади од 50 години се зголемува за 1 % на годишно ниво на светско ниво . Оттука здруженијата во Македонија алармираат за поголема свесност кај жените за редовни прегледи, но и подобрување на условите во здравствениот систем.
Пациентките кои сe борат со опасната болест бараат проширување на позитивната листа на лекови, за да може терапијата да им биде достапна на сите и нови протоколи на онкологија со цел не само да им се олесни на пациентите, туку и на лекарите .
„На нашата листа на барања која беше веќе доставена до Министерството за здравство, првото место го заземаат лековите, односно промената на позитивната листа, нешто што го зборуваме со години“, вели Ана Маријановиќ пациентка и дел од здружението „Хемо Онко“.
Онкологот, Гордана Петковска посочи на преопртереноста на клиника, но и покрај тоа ниту еден пациент не бил вратен или ставен на листа за чекање. Таа го посочи и проблемот со регистарот на пациенти во Македонија, на кој се работи во моментов и кој во иднина треба да ја покаже статистичката состојба на заболените од канцер во Македонија.
„Заради тој регистар на рак кој се уште е во зародиш и кој што се уште не може да ни ги даде оние бројки какви што се“, рече Гордана Петковска специјалист онколог на Универзитетската клиника за радиотерапија онкологија.
И претседателката на Македонија, Гордана Силјановска Давкова денес им даде поддршка на пациентите со рак на дојка на најстанот организиран од здружението „Хемо – онко“ во градскиот парк.
„Како ќе ги поддржувам сега мирно, а во иднина може и радикално, на протести“, изјави претседателката на Македонија Гордана Силјановска Давкова.
И во организација на Министерството за здравство се одвива национална кампања под мотото „Октомвриски розов караван – превенцијата е најдобра заштита“. Ваквата кампања има за цел да ја подигне свеста за рана превенција и откривање на рак на дојка. Од Институтот за радиологија апелираат сите жени над 40 години без разлика на симтпомите да одат на редовни контроли.
„Прво да прават самопреглед секој месец после седмиот ден од циклусот ако менструираат, ако не менструираат во одреден ден од месецот, без разлика дали имаат тврдина или не треба да направат базична мамографија“, вели професор Јакимовска Димитровска Мајка од институтот за радиологија
Ракот на дојката е втора по честота причина за смрт од заболувања кај жените. Благодарение на развојот на науката и здравствените системи во светско ниво, бројката на смртни случаи на годишно ниво во светот е намалена за 40%.
Љубиша Владимиров
