Наставниците не го познаваат знаковниот јазик во единственото средно училиште во Македонија за деца со оштетен слух „Партенија Зографски“ – алармира Народниот правобранител. Од таму стигаат поразителни забелешки за функционирањето на школото. Околу 20 ученици ја следат наставата, а програмата ја предваат 19 професори.Ниту еден од наставниците не го познава целосно знаковниот јазик, само половина од нив го владеат јазикот на глувите од напредно ниво, а останатите се снаоѓаат како знаат и умеат. Загрижувачки е што глувите ученици, учат преку пишување на табла, но и со писмени содржини.А колку го владеат материјалот се докажуваат пред наставниците со помош на останатите соученици кои се наглуви и имаат улога на толкувачи. Од кабинетот на Народниот правобранител со препораки – итно да се споведат реформи во училиштето за да се подобри наставната програма.
Толкувачите но и младите со оваа аномалија, бараат итни законски измени за да можат луѓето со оштетен слух да имаат по квалитетна настава. Се пожалија дека располагаат со многу мал фонд на зборови, токму поради тоа што наставата не се одвива квалитетно.
“Да се зголеми фондот на знаење на знаковен јазик на сите наставници без разлика во кое училиште работат, на образовните асистенти, родителите чиј деца се глуви за да можат да воспостават комуникација со своите родители” вели Стефан Ѓиков, здружение на глуви и наглуви „Млад знак“.
Лицата со оштетен слух, се заглавени во системот, не можат ниту да се образоваат ниту да напредуваат… вели народниот правобранител. Од таму апелираат за поголема свест и инклузија на овие ранливи категории. И бараат од министерството за образование, итно да спореведе реформи во ДУЦОР „Партенија Зографски“- со тоа што соодветно ќе го едуцира наставниот кадар за предвање со знаковен јазик.
