Секогаш кога е на власт СДСМ во Македонија се нарушува безбедносниот систем и ни се случуваат „дувла и големи уши“.Обвинителите мора да започнат темелна истрага, мора да се открие кој незаконски следел и прислушувал, и тие конечно да одговраат. Поранешниот полициски началник Љубомир Ѓурчевски вели дека ваков скандал мора да има разрешница.
-Треба да отпочне една сериозна истрага, во која сериозна истрага ќе ги изведе сите докази и ќе поднесат обвинителен акт против сите оние кои што се инволвирани, а посебно одговорните лица во Агенцијата за национална безбедност, кои што спротивно на закон презеле дејствија за кои што не се овластени да ги преземат. Со оглед дека тука имаме следење без судска наредба, значи мора да има одговорност, изјави Ѓурчевски.
Според него дополнителен сомнеж фрла и самиот факт што не е прв пат луѓе поврзани со СДСМ, да бидат вклучени во вакви дејствија.
-Секогаш кога е оваа сегашнава опозиција на власт, имаме рушење едноставно, јас ќе бидам премногу остар во таа работа, едноставно имаме рушење на целокупниот безбедносен систем во Македонија, со примена на овие методи, тајното следење на опозицијата, ако сакате јас ќе се навратам деведесеттите години, случајот „Дувло“, изјави Ѓурчевски.
Инаку од Обвинителството за гонење организиран кримнал и корупција велат дека е оформен предмет за можното следење на акутелниот премиер Мицкоски. По насоки на републичкиот јавен обвинител Љупчо Коцевски бил оформен предмет за овие сомнежи.
Матеја Петровски
