Паниката на ДУИ испливува на површина. Наместо визија за иднината и решавање на локалните проблеми, интегративците единствено размислуваат за Илинденска и некако да се вратат во Владата. Нивната главна цел е заштита на криминалите сторени минатите години. Според познавачите враќањето на партијата на Али Ахмети во власта е невозможно, бидејќи тие по две децении владеење, се препознатливи како симбол на криминал и корупција.
Политичкиот аналитичар Љуљзим Фаризи за Алфа вели дека ДУИ само гледаат како да ги спасат клиентилестите во своите редови, па продолжуваат со истата, веќе видена реторика од 2024-та година. Тогаш пред парламентарните избори тврдеа дека остануваат во власта, но заминаа во опозиција.
-Тие очигледно немаат научено од историјата, од минатото, дека не можат да наметнуваат тие кој ќе биде дел од власт, кој нема да биде дел од власта, имајќи предвид дека за да бидеш дел од власта, треба некој да те покани да бидеш дел од власта. А особено тие не се дел од власта од една причина, бидејќит тие функционираат како криминална политичка партија. Значи постои огромна разлика помеѓу овие што се на власт и тие што сакаат да дојдат на власт, изјави Фаризи.
ДУИ се обидуваат да постават еден вид монопол врз гласовите кај албанскиот политички блок. Според Фаризи, Ахмети нема никаква основа за такво нешто, бидејќи во моментов интегративците не се главна партија ниту во својата коалиција.
-Во таа коалиција како се вика АКИ, секој ден која прекрстуваат и преименуваат, не е ДУИ политичка партија која треба да ги повика Албанците да има предвремени парламентарни избори. Во таа коалиција моментална Алијанса е главна политичка партија, така што ДУИ таму веќе е минорна политичка партија, а така ќе биде после локалните избори каде најверојатно ќе ги загубат Тетово и Чаир, изјави Фаризи.
Инаку, од ДУИ продолжуваат да ги повторуваат истите тези кои веќе им станаа редовен декор во предизборието, дека преку емисари им пристигнувале пораки повторно да бидат дел од власта, по локалните избори и дека ќе има предвремено парламентарно соочување.
Од ВМРО-ДПМНЕ реагираа дека предвремени избори нема да има и дека интегративците се користат со евтини трикови, со цел прикривање на паниката пред сигурниот изборен пораз.
Матеја Петровски
