Две паралелни одблежувања на Рамковниот договор. ДУИ очигледно тешко ја прифаќа реалноста дека замина во опозиција, па наместо да присуствува на државното одбележување на Охридскиот договор, во Скопје ќе си организираат нивни приватен настан. Министерот за здравство Арбен Таравари вели ова не е ништо ново кога ДУИ е во прашање, секогаш се обидувале сите историски настани да си ги приватизираат за нив. Порача дека сите од кај интегративците имаат отворена покана да учествуваат на одблежувањето организирано од државата.
-ДУИ некако секогаш имало тенденции да ги приватизира одредени настани, се уште не можат да прифатат дека се опозиција, меѓутоа им треба време и ќе се навикнат на тоа, ќе прифатат. Приватни журки, забави може секој да организира, ние ги повикавме на утрешниот настан кој што го организира Владата на Република Македонија, добредојдени се, а приватни журки нека продолжат нека си организираат, историските настани никогаш не биле приватна припадност на некој, секогаш ќе бидат настани кои што им припаѓаат на граѓаните кои што живеат тука, изјави Таравари.
Сепак по се изгледа јасно е дека ДУИ нема да ја прифати оваа покана, веќе и самите најавија дека утре ќе организирале како што ја нарекуваат Академија на која што ќе се збори за легитимноста, односно најавуваат продолжување на реториката, дека власта во Македонија била нелигитимна, од причина што тие само не се на власт.
-Утре, вторник, 13 август 2024 година, со почеток во 12:00 часот во Скопје, по повод 23-годишнината од Охридскиот мировен договор, Европскиот фронт организира Академија за легитимност и ве покануваме да учествувате, соопштија од ДУИ.
Инаку, од страна на Министерството за животна средина каде министер Изет Меџити ќе бидат организирани два настани по повод Рамковниот договор. Ќе има панел дисускуја на која ќе учествуваат Меџити, министерот за локална самоуправа Златко Перински, професорите Ризван Сулејмани, Нано Ружин, Африм Османи и Бујамин Бела. Потоа, вечерта свечен настан ќе има и во музејот на современа уметност, каде свое обраќање ќе има Изет Меџити.
Матеја Петровски
