Образование по мерка на бизнисот. Со новиот Закон за високо образование, за првпат се предвидени втор и трет циклус стручни студии, како и кратки студии за специјализација во одредени професии, согласно потребите на пазарот на труд. Министерката Весна Јаневска објасни дека ќе бидат опфатени главно техничките струки.
Новиот закон предвидува кратки стручни студии во траење од една и пол година, со 90 ЕКТС кредити, наменети за специјализација во конкретни области и професии. Стандардните стручни студии што постоеја и досега остануваат, и тие ќе траат три или четири години.
Според министерката, овој принцип на школување се воведува и на факултетите не само зашто тоа го бара бизнис заедницата, туку и затоа што дуалното образование, како модел, дало одличен резултат во средните стручни училишта.
„180 кредити прв циклус, втор циклус на стручни студии првпат во државата и трет циклус на стручни студии исто така првпат во државата, дополнително предвидува кратки студии за специјализација во одредени области, односно поконкретно во одредени професии. Бизнис заедницата го бара тоа, поучени од одличните резултати кои ги дава дуалното образование“, изјави Весна Јаневска, министерка за образование.
Стопанска комора ги поддржува измените.
05:01 Да направиме симбиоза која што е потребна меѓу бизнисот и неговите потреби за кадар, што ќе може да биде вклучен во процесот на производство и образованието. 05:39 Ние како комора сме тука да го помогнеме овој процес и ќе го правиме тоа врз база на комуникации контакти и компаративни споредби со земји кои тоа го прават побрзо и на подобар начин“, изјави Бранко Азески, претседател на Стопанска комора.
Бројките говорат за континуиран и динамичен раст на дуалното образование. Во учебната 2019/2020 година биле вклучени само 11 компании, додека минатата година бројката надмина 1.000 компании.
