Градоначалникот на Општина Карпош, Сотир Лукровски денеска на свечен настан ги додели стипендиите за талентирани ученици и талентирани спортисти за учебната 2026/2027 година.
На настанот присуствувале и градоначалникот на Град Скопје, Орце Ѓорѓиевски, претседателот на Советот на Општина Карпош, Христо Саракинов, советници, директорки на основнитe училишта, наставници, како и родители и други присутни гости.
За талентирани ученици доделени се вкупно 57 стипендии, и тоа: 33 стипендии од прва категорија со месечен износ од 3.500 денари; 24 стипендии од втора категорија со месечен износ од 3.000 денари. За талентирани спортисти се доделени вкупно 22 стипендии: 20 стипендии од прва категорија, со месечен износ од 3.500 денари; 2 стипендии од втора категорија со месечен износ од 3.000 денари. Стипендиите ќе се исплаќаат во период од осум месеци, во текот на учебната 2026/2027 година.
Обраќајќи им се на добитниците, градоначалникот Сотир Лукровски им честитал за постигнатите резултати и истакнал дека поддршката на младите таленти е значаен дел од политиките на општината. Општина Карпош најавува дека ќе продолжи да вложува во младите и да обезбедува поддршка за развој на нивните знаења, вештини и спортски потенцијали.
