Од први до петти декември трае рокот на Министерството за образование и наука, за пријавување за правото на субвенциониран студентски оброк за академската 2024/2025 година. Сите студенти кои ги исполнуваат условите, а не аплицирале досега, можат да поднесат апликација електронски преку порталот e-uslugi.mon.gov.mk
Од МОН додаваат дека на сите студенти на кои претходно им било прекинато правото, а сметаат дека ги исполнуваат условите, можат повторно да аплицираат. Овој рок е исто така отворен за студенти кои не аплицирале во претходните активни рокови.
