Димитриеска Кочоска: Одговорно тврдам дека буџетот е ликвиден

Буџетот е ликвиден, а сите задолжувања што се прават се согласно планираниот календар. Министерката за финансии испрати порака дека народната каса е во добра кондиција и повика, доколку е потребно, и државните ревизори да направат увид во состојбите. Ваквата порака Гордана Димитриевска Кочоска ја испрати по средбата со нејзиниот словачки колега, кој на отворена сцена ги пофали перформансите на македонската економија, за која вели дека ѝ завидува бидејќи испорачува солидни стапки на економски раст, за разлика од неговата држава, каде резултатите се многу поскромни. Двајцата министри се согласија за засилена соработка, при што Македонија ќе користи искуства од оваа земја членка на ЕУ, пред сè во делот на даночното затајување. Идејата е Македонија, со словачко искуство, да го имплементира системот на издавање електронски фактури за даночните обврзници.