Паралелно со изборот на нов државен јавен обвинител, трае и изборот на нови обвинители во моќното Обвинителство за гонење на организиран криминал и корупција, предводено од Ислам Абази.
Во трката се двајца обвинители од поранешното СЈО, тројца од скопското обвинителство и пет актуелни обвинителки од ГОКК. Значи, за пет места пријавени се десет обвинители. Непознато е дали изборот ќе биде направен утре, бидејќи истиот ден треба да се избере новиот републички обвинител. Во спротивно, ќе треба на седницата да присуствува и да избира в.д. обвинителката.
Меѓу кандидатите е и обвинителката која во 2018 година го смени обвинението за „поткуп“ против екс-премиерот Зоран Заев, како и двајцата виши обвинители Артан Ајро и Трајче Пеливанов, кои беа дел од тимот на Катица Јанева во поранешното СЈО.
