На 28 септември со филмот „Изгубениот сон на Југословенскиот дрим тим” на младиот хрватски режисер Јуре Павловиќ ќе се отвори Меѓународниот филмски фестивал „Киненова”
Директорот на фестивалот, Небојша Јовановиќ, вели дека програмата нуди филмови со длабоки и топли емоции.
„Поминавме десет неверојатно турбулентни години, десет изданија низ кои ги преживеавме филмските и лични приказни на бројни храбри автори од целиот свет. Се соочивме со обиди за цензура, премолчување, за замолчување, обиди дури и за стопирање на подемот на растежот, на развојот на овој пркос од фестивал.“ изјави директорот на Меѓународниот филмски фестивал “Киненова”, Небојша Јовановиќ.
На фестивалот ќе бидат прикажани бројни странски но и домашни филмови. Наградата за „Особен придонес во филмската уметност” ќе ја добие македонскиот кинематограф Владимир Самоиловски, а наградата за животно дело ќе ја добие норвешката актерка и режисерка Лив Улман.
„И оваа година филмовите кои се натпреваруваат за Киненова наградите се поделени на три документарни и три играни филмови. Уште еден доказ дека креативната документаристика навистина во последнава декада е многу силна и моќна и не можеме од толку добри и пристигнати дела сето тоа да го игнорираме па затоа влегуваме во една таква фина креативна поставка официјалната селекција да има пола-пола играни и документарни филмови“ изјави селекторот на главната програма Игор Анѓелков.
„Годинава како наши лауреати за специјални награди златна грива за особен придонес во филмската уметност ние ги одбравме нашиот Влатко Самоиловски и норвежанецот Даг Јохагн Хагеруд.“ изјави уметничкиот директор Гена Теодосиевска.
Ова е десетто, јубилејно издание на фестивалот „Киненова“ кој во фокусот ги има младите филмски работници. Организаторите најавуваат програма која изобилува со филмови од различни жанрови и подрачја која треба да ги задоволи вкусовите и на најпребирливите филмофили.
