Го подметнал ли некој пожарот во кој до темел изгоре угостителскиот објект, сопственост на Државниот правобранител Агрон Речи, се уште не се знае. Обвинителството ги прегледува снимките од видео камерите поставени на околните објекти во гратското пазариште,а се разговара и со сведоци кои во ситните саати сред викенд, се затекнале на оваа фрекветна локација на булеварот “Туристичка “во центарот на Охрид.
Низ ходниците на правосудните институции гласни се шпекулацииите дека некој се намерачил на Агорон Речи,кој наводно после 25 дена по именувањето на функцијата државен правобранител, бил присутен на суд и постапувал во својство на адвокат во предмет од областа на корупцијата. Дали е точна информацијата дека за ова била покрената и постапка иницирана од ДКСК, а прифатена од јавното обвинителство побаравме одговор од двете институции.Од ДКСК велат дека комисијата била на средби надвор од институцијата, а од ОЈО не добивме конкретен одговор.
- “Врз основа на информациите кои ги наведувате во прашањето, Јавното обвинителство не е во можност да идентификува предмет каков што наведувате. Дали лицето присуствувало на судско рочиште, кога и во какво својство евиденција води надлежен суд.” – Велат од ОЈО
Речи и денеска не одговораше на нашите повици.Инаку како може да се види од неговата биографија,по завршување на студиите на Универзитетот на Југоисточна Европа во Тетово, од референт за правни работи во охридското комунално претријатие,дотуркал до Државен Правобранител за подрачје на Охрид во 2020-та, а три годни подоцна е именуван за Државен Правобранител на Македонија.Во 2013-та Агон Речи градел и политичка кариера во редовите на сега пропадната партија Национална демократска преродба.
Новинар Росица Голабоска
Снимател,монтажа Златко Маневски
