Заклучно со 8 часот денеска на територијата на државава има вкупно 14 пожари на отворен простор, од кои активни нема, под контрола е еден, а 13 се изгаснати. Како што инфрормира Центарот за управување со кризи (ЦУК) ,под контрола е пожарот во депонијата Дрисла во Општина Студеничани каде гори ѓубре.
Изгаснати се пожарите во Општина Струга кај селата Татеши, Богојца и Маслодежда (борова шума), како и во населбата Елен Камен (ниска вегетација), во Општина Липково село Никуштак и Општина Гази Баба село Булачани (нискостеблеста деградирана шума и дабова шума) ,Општина Старо Нагоричане село Челопек (плевна и ниска вегетација), Општина Крушево село Норово (ниска вегетација и дел дабова шума), Општина Крушево Градска депонија (ѓубриште), Општина Делчево Депонија Делчево (ѓубриште тлее и чади), Општина Босилово село Иловица (депонија), Општина Ново Село село Мокриево (ниска вегетација), Општина Ново Село село Старо Коњско (депонија), Општина Зелениково село Страхојадица (ниска вегетација и ѓубре), Општина Штип во близина на Градски пазар (ниска вегетација) и во Општина Шуто Оризари на улицата „Хаџи Јован Шишко“ (ѓубре).
