Се повеќе е извесно дека црната листа на САД ќе се проширува со имиња на македонски граѓани. Листата е динамична и отворена, па во секој момент на неа може да биде додадено ново име, обелодени американската амбасадорка во Македонија. Анџела Агелер. Сепак, таа потврди дека не постои рок кога новите имиња ќе бидат додадени.
Скандалот со упадот на членовите на Судски и Обвинителски совет во Управниот одбор на Академијата за судии и обвинители го забележа и Американската амбасада во Скопје. Амбасадорката Агелер е прецизна дека јавноста мора да добие објаснувања и одговори за скандалозното однесување на членовите што предизвикаа лавина реакции во јавноста.
Имено, во Македонија ќе се лансира правосудна мрежа составена од професионалци припадници на кривично правниот сектор. Оваа иницијатива ќе биде модел за другите земји од Западен Балкан, а во наредните два дена претставници од институции што истражуваат криминал, заедно со гостите од регионот ќе ги дефинираат деталите. Вицепремиерот за добро владеење Арбен Фетаи вели дека за успешна борба против корупцијата не треба само независно судство, туку и добро обучена администрација како и мрежно дејствување на институциите.
Антикорупциска, финансиска полиција, УЈП, како и судии и обвинители. Се очекува претставници на овие институции да станат дел од правосудната мрежа каде ќе разменат искуства и ќе придонесат во борбата против корупцијата. Оваа мрежа има за цел да ги охрабри оние кои делуваат против корупцијата и не поткленуваат под притисоци и влијанија.
