Од пожарот во Кочани до денес, на клиниката за Токсикологија во Скопје примени се 20 пациенти. Од нив, 13 беа префрлени на други клиники поради влошување на состојбата или потребата од механичка вентилација, информираше директорот на клиниката, Андон Чибишев.
„Некои од овие пациенти беа пренесени и во центри во странство. Сите се во добра општа состојба и стабилни. Во моментов, на нашата клиника се хоспитализирани 7 пациенти, кои најмногу имаат инхалирано голема количина на отровни гасови, бидејќи биле внатре во дискотеката кога избувнал пожарот. Тие немаат механички повреди, туку повреди од вдишување на токсични гасови“, изјави Чибишев.
