Обвинителството ги проверува евентуалните злоупотреби во изведба на автопатот Скопје-Блаце. По обелоденувањето на информациите од министерот Николоски на собраниска говорница дека претходното раководство ги зголемило трошоците за проектот за речиси 70 милиони евра и проекциите биле спротивни на европските практики, Алфа побара став дали обвинителите истражуваат како сумата од 172 стигнала до неверојатни 240 милиони евра.
- „Проектот за изведба на автопатот Скопје-Блаце е опфатен со извештај на Државниот завод за ревизија врз основа на кој се вршат проверки од Основното јавно обвинителство Скопје. Секој што поседува документи и други докази за сторени кривични дела има законска обврска тие да ги достави до истражните органи“ велат од ОЈО Скопје.
Николоски одговарајќи на пратенички прашања откри скандалозни податоци поткрепени со документација, дека злоупотреби биле правени единствено со цел проектот да го добие една фирма и вештачки да поскапе неколкукратно:
- „Овој документ за првпат излегува во јавност. На 31 мај, Суес му испраќа писмо на Ејуп Рустеми — вашиот член — кое Рустеми го крие, а во кое во точка 4, „Трошоци за проектот“, се наведува дека проектот двапати бил менуван и дека трошоците се зголемиле од 172 на 240 милиони евра. Извинете, но јас нема да го реализирам криминалот на Ејуп Рустеми. Дополнителни 70 милиони евра да бидат потрошени од македонските граѓани, со уште 20 проценти од анексот? Затоа реков дека овој проект ќе достигне 300 милиони евра, а тоа нема да го дозволам. “ рече Николовски одговарајќи на пратенички прашања вчера.
Николоски не алармира само за штетни и криминални договори во делот на патиштата. Тој неколкупати предупредуцваше дека Македонија не смее да дозволи да плаќа нереални суми и за железницата кон Бугарија.
За ова веќе има и конкретен договор со бугарската страна која се согласила на заеднички проект, а не да се гради тунел кој не води никаде. Бугарија прифатила да го заврши својот дел од пругата како и проверка на цената која е превисока за изградба на железничкото поврзување на Македонија со источниот сосед. Договорот паднал во Софија помеѓу делегации од двете држави и Европската Унија.
Според проценката на ризиците, делегациите се сложиле во изградбата на тунелот за железничко поврзување меѓу Македонија и Бугарија е поефикасно да биде од еден изведувач и железничко поврзување меѓу двете земји да биде со посредство на Европската Унија.
- „На состанокот од двете страни беше прифатено целиот проект во делот фаза 3 (делница Крива Паланка – Деве Баир), да биде преиспитан од причина што сегашната цена е превисока и неразумна со интенција истата да се намали. Двете делагции, исто така се согласија да се користи одлуката за технички проект за тунелот поднесен од ЈП Железници Инфраструктура. На состанокот беше договорено двете земји да формираат работни групи со цел да се подготви потребната документација за тунелот.
Македонија не отстапува од железничкото поврзување и на овој гледа како регионален проект со кој се потенцира развојот на европските транспортни мрежи, децидени се од Министерството за транспорт.
