Како Никола Бучков се околу 2000 екс полицајци од единиците Тигри, Алфи и Волци коишто заминале за Германија поради тортурите и притисоците во МВР, направени според нивните искази под палка на поранешниот министер Спасовски и преходните властодршци.
Никола Бучков заедно со неколку колеги на пазарот во Шутка пред четири години направиле претрес на камион за кој и денеска тврди дека е дел од шверцот на брендирана роба на струмичкиот бизнисмен Ристо Крмзов кој важи за близок со фамилијата Заеви. И тука му почнува агонијата. Од закани, притисоци дека ќе лета од работа доколку не го пушти шоферот на камионот без да се распрашува кој е што е и каква документација поседува од царина. Кога полицајците увиделе дека е шверц, пријавиле на сите надлежни, но попусто.
Малку биле заканите заради камионот. По година дена подоцна тој е претепан од полициски патроли што го пресретнале на улица во Струмица. Тупаниците, клоците и пиштолот вперен во глава е на видео запис на крим техничари, за кои се уште не е разјаснето како се нашле токму таму кога се вршел претрес на полицаец и неговото возило. За ова постои пресуда, и од неколкумина еден признал вина и добил условна, другите се ослободени. Зошто е тоа така, Бучков го обвинува влијанието на тогашниот министер.
Струмичкиот бизнисмен Ристо Крмзов и кум на бвратот на поранешниот премиер Зоран Заев од пред еден месец е под истрага за перење пари, двојни плаќања, незаконско постапување и даночни затајувања. Полицајци, обвинители, инспектори од УЈП и Министерството за финансии влегоа во фирмите на Крмзов. Кривичниот суд во Скопје му го одземе пасошот. Тој засега се сомничи дека ја оштетил државната каса бидејќи неговите компании враќале фиктивен ДДВ, а штетата е околу 14 милиони евра. Детали од истрагата откриваат дека Крмзов затајавал данок со регистриција на фирми на фантом Косовари, за да се забошоти криминалот.