Подобар живот за населението, побрз проток на стоки и услуги ,а бизнисот ќе може да создаде амбиент за развој на стопанство – најавата за градежна офанзива и изградба на автопатот Кичево – Охрид и завршување на изградбата на коридорите 8 и 10 д од министерството за транспорт бизнисот ја поздравува, но и предупредува дека по завршување на тековните проекти мора да се работи за подобрување на домашната оператива, односно домашните компании да бидат вклучени во идните проекти.
Изведбата на автопатите ќе значи дека населението ќе има подобри услови за живот, дека конекциите ќе бидат побрзи и дека бизнисот ќе има предуслов да створи бизнис амбиент, но тоа се тековни проекти. Мора да алармираме дека домашните компании мора да го најдат местото, да не е како до сега во време на рекордно високо ниво на инвестиции , секторот да брои под 50 илјади вработени, вели Андреа Серафимоски
Ситуацијата во секторот е на загрижувачко ниво . Дури 96 отсто од капиталните инвестиции ги работат странските компании, а само 4 отсто домашните комапании, што е една од главните причини зошто во време на рекорден инвестиции во инфраструктурата, македонските компании опаѓаат со квалитет и се се помалку конкурентни. Градежниците ја поздравуваат пораката од министерот за транспорт Александар Николоски, дека во иднина негова лична заложба ќе биде да мора домашните компании да бидат вклучени во крупни проекти.
Не знаеме дали радоста повеќе ни годи затоа што се слушна гласот на градежниците, или заради тоа што некој државник и некоја постава мисли за доброто на државата, се што бараат градежниците е за да имаме посилна стопанска гранка, да имаме посилна економија се со цел и државниот буџет да го богатиме и да постигнеме конкурентност, вели Серафимоски.
Според најавите од министерството за транспорт, и покрај техничките и административните проблеми автопатот Кичево – Охрид кој се гради веќе една деценија ќе биде завршен во 2026 година, а пак изградбата на коридорите 8 и 10 д ќе продолжи, но во корист на Македонија. Николоски вели лично ќе се заложел за да се добијат што е можно повеќе километри автопат за потрошените пари. Коридорите веќе исцицаа од државната каса 240 милиони евра за подготвителни работи од претходната влада.
