Од Бирото за јавни набавки денеска преку соопштение информираа дека поради тоа што биле утврдени неправилности во тендерот на ЈСП за набавка на дизел, тој бил поништен. ОдБирото велат дека Јавното сообраќакјно претпријатие избрало неприфатлива понуда на јавната набака за гориво.
„Управната контрола, спроведена по сила на закон, откри дека избраната понуда не ги исполнува условите утврдени во тендерската документација, а кои самото ЈСП ги навело како задолжителни“, се вели во соопштението.
Од бирото појаснуваат дека управната контрола му дала и јасни инструкции ЈСП да ја стави вон сила одлуката за избор на понуда и да ја поништи постапката за набавка, согласно законот.
Но ЈСП не ја искористило можноста да ги оспори инструкциите, бидејќи фактичката состојба е правилно утврдена и усогласена со законот.
Во однос на реакцијата од градот Скопје, кој преку соопштение ги обвини Бирото за политички мотиви, тие ги оценија изјавите како „непримерни и непрофесионални“.
„Наместо да шири клевети, градот треба да ги искористи законските можности за задоволување на итните потреби за гориво до завршување на редовната постапка,“ се наведува во соопштението на бирото.
