Со истечени лични карти и пасоши граѓаните ќе можат да гласаат на претстојните претседателски и парламентарни избори, потврдија денеска од Државната изборна комисија. Според ДИК право на глас ќе имаат сите оние лица кои имаат наполнето 18 години, заклучно со денот на изборите. Од ДИК велат дека право на глас ќе имаат сите оние со валидни, но и истечени документи ,односно пасоши и лични карти , во изминатите 9 месеци до денот на гласање. Практично ова значи дека иако некој има документ со старото уставно име сепак ќе може да гласа, а ќе може да гласаат и оние кои имаат истечен рок на личните документи.
Ова би значело дека на претседателските избори на 24 април, гласачите би можеле да се идентификуваат со важечки лични документи, меѓутоа и со лични документи чија што важност истекла почнувајќи од 24 јули 2023. За парламентарните избори може да се идентуфукуваат гласачите со важечки лични документи, меѓутоа и со лични докуметни кои по било кој основ истекла во периодот од 8 август 2023 заклучно со 8 мај, соопшти Љупка Гугутчевска – портпатол на Државната изборна комисија.
Со оглед дека годинава имаме двојни избори, се поставуава прашањето дали право на глас ќе имаат оние лица кои би наполниле 18 години во периодот од 24 април- првиот круг на претседателските избори и 8 мај – вториот круг на претседателските избори и парламентарните избори. Од Државната изборна комисија појаснуваат дека оние граѓани кои ќе наполнат 18 години во периодот меѓу претседателските и парламентарните избори ќе бидат впишани во избирачкиот список само за парламентарните избори, но не и за вториот круг на претседателските.
Дали и како ќе се гласа за изборите во дијаспората, од ДИК велат за да биде отворено гласачко место во конзуларна канцеларија во странство, треба да бидат пријавени најмалку 10 гласачи. За да биде избран пратеник од седма изборна единица, треба да освои гласови колку што најмалку гласови имал пратеник од државата на последните избори – тоа значи дека треба има најмалку 5355 гласачи треба да има вкупно регистрирани во сите дипломатски канцеларии во странство, за да има организирање на вакви гласови.
Од Државната изборна комисија апелираат граѓаните да се проверат во избирачкиот список, односно, доколку е потребно, да побараат промена, запишување или бришење на своите податоци од списокот за претстојните претседателски и парламентарни избори.
