ПремиеротХристијан Мицкоски потврди дека владта е целосно подготвеназасуштински разговоринасочени кон деблокада на евроинтеграциите, ноистакна дека нема да имапопуштањеод тековнатапозиција. Премиерот нагласи дека клучен предуслов за напредок евзаемна подготвеност, посочувајќи ја Бугарија како страна што треба да демонстрира волја за конструктивен дијалог.
„Не можам со сигурност да кажам дали ќе има напредок во процесот на евроинтеграции, но она што го знам е дека ќе направиме сè што е во наша моќ за да го претставиме нашето прашање точно такво какво што е, пред сите релевантни светски авторитети. Тоа веќе го направивме. Дали ќе се постигне некаков напредок? Навистина не знам. Дали ќе има промена во нашата позиција? Не, нема да има никаква промена, бидејќи нашата позиција е базирана на принципи и аргументи, и тоа го имаме кажано повеќе пати. Ако постои волја, постои и начин. Но, мора да разбереме дека успехот не зависи само од нас, затоа што за танцување секогаш се потребни двајца, а понекогаш дури и повеќе. Во овој случај, треба да имаме соговорник кој ќе биде подготвен за дијалог. Ние сме подготвени. На секое место ја презентираме нашата позиција и досега не сме слушнале никакви аргументи кои ја оспоруваат, ниту пак пристап од типот ‘земете или оставете’. Тоа повеќе не е случај. Сега, наместо тоа, пристапот е: ‘ајде да најдеме решение’. И ние велиме: да, подготвени сме да најдеме решение. Дали тоа ќе се случи за еден месец, два или шест месеци, не можам да кажам. Но дали ќе направиме сè што можеме? Да, апсолутно. Ќе видиме како ќе се развиваат работите.“ изјави Мицковски
Мицкоски најави дека до крајот на декември ќе го посети Брисел два пати, надевајќи се на позитивен исход преку засилен дипломатски ангажман. Тој нагласи дека нема да има отстапување од позициите, но дека е важно македонските аргументи да бидат правилно претставени пред европските партнери.
„Ќе се бориме, затоа што ништо нема да се случи само од себе ако седиме пасивно со скрстени раце или ако се предаваме со бело знаменце, како што тоа можеби беше случај во минатото. Ќе продолжиме да се бориме, бидејќи животот сам по себе е борба. Важно е да се стремиме кон победи, а јас верувам дека постепено, од поразите кои ги доживувавме во последните седум години, полека излегуваме од таа состојба на летаргија и почнуваме да остваруваме мали, но значајни победи.“ изјави Мицковски
Според него, позицијата „земете или оставете“ повеќе не е присутна во европските преговори, а актуелниот пристап се фокусира на барање компромисни решенија. Мицкоски порача дека Македонија ќе продолжи да се бори за своите европски перспективи, без да се откаже од принципите и позициите. Напредокот во евроинтеграциите ќе зависи од заедничката подготвеност за компромис и споделена визија за иднината.
Даниел Ѓорѓевски
