Ако Бајден не може да се кандидира, не може да ја води нашата земја. Ова го изјави ривалот на американскиот претседател Џо Бајден, кандидатот Доналд Трамп откако тој се повлече од трката. Бура од реакции ја тресе американската политичка сцена. Откако Бајден и даде поддршка на својата заменичка Камала Харис да ја продолжи трката, политичките аналитичари во САД излегоа со своја прогноза.
Во основа Демократската партија стои силно зад африканската заедница и жените. Па така мислам дека демократите гледаат кон првата афроамеикнка која ќе биде номинирана за претседател. Во принцип, афроамериканкте се едни од најсилните поддржувачи на Демократската партија. Затоа мислам дека ќе биде голем предизвик некој да ја надмине Камала Харис, ама иста е и ситуацијата кај Републиканците, вели Мајкл Бицер политички аналитичар
Сега се чини како демократската партија е во процес на распаѓање и повторно издигање како феникс. Понекогаш мораш да изгореш до темел да ја изгориш за повторно да се издигнеш. Оваа недела ќе ни каже дали се во состојба повотрно да се издигнат или ќе останат во руини, вели Тара Њусом, политички аналитичар.
Поранешниот претседател барак Обама рече дека Бајден е еден од најзначајните американски претседатели, како и драг пријател и партнер. Високиот претставник на ЕУ за надворешна политика и безбедност Џозеп Борел вели дека не сака да се меша во изборот на следниот претседател на САД и му посака на наследникот на Бајден се најдобро. Се огласи и украинскиот претседател Володимир Зеленски. Тој ја почитува како што вели „тешката, но силна“ одлука на американскиот претседател да ја прекине кампањата за реизбор на претседателските избори.
Во меѓувреме американските медиуми се преполни со информации за Камала Харис. Таа е ќерка на мигранти од Индија и Јамајка, а пред да влезе во политика била окружен обвинител во Сан Франциско. Таа беше избрана за американскиот Сенат во 2016 година и стана водечки критичар на Трамп, особено кога станува збор за неговата имиграциска политика.
Пред Бајден да се кандидира за Белата куќа во 2020 година, тој беше главен советник на претседателот Барак Обама за време на неговите осум години како потпретседател. Во 1972 година, тој ги изненади демократите со победата во трката за Сенатот на 29-годишна возраст, станувајќи шестиот најмлад сенатор во американската историја. Со наполнети 82 години во ноември, Бајден ќе биде во јавниот живот подолго отколку некои негови живи колеги од Демократската партија.
