Автобус на ЈСП кој се движел по рутата од скоското село Раштак кон Булачани се преврте во провалија, поголема несреќа спречила нерасчистената вегетација и дрвјата. Во момент кога пристигна екипата на АЛФА на местото на несреќата автобусот сеуште беше превртен. Ги затекнавме службените лица на ЈСП кои не сакаа да дадат било какви информации за несреќата. Дрскиот однос на присутните вработени во јавното претпријатие беше единственото во комуникацијата.
Што точно се случило на патот засега е нејасно. Дали станува збор за човечки фактор или технички проблем допрва треба да се утврдува. Информации за несреќата побаравме и од дирекор на ЈСП Драги Кушовски кој не одговори на телефонските повици, а одговор до објавување на овој прилог не добивме ниту од одделение за односи со јавност во јавното скопско претпријатие.
Инаку, ова не е прв случај автобус на ЈСП да ја загрози безбедноста на граѓаните. Автобус кој сообраќал кон Бутел се запали при возење, а друг заврши во жардињера кај трговскиот центар Мавровка кога имаше и повредени патници. Јавноста повеќепати беше сведок и на јавни реакции на вработени во претпријатието кои алармираа дека автобусите се сервисираат нередовно а дел од нив имаат технички проблеми.
Последниот случај од Раштак само ја прелива чашата и ја отскликува состојабата, но и неспособноста на надлежните да стават карј на хаосот. Наместо решенија, единствено што досега се случи е смена на повеќе дирекртори во ЈСП кои не најдоа решение за проблемите.
Реакција за лошиот јавен превоз има и од министерот за транспорт и врски Александар Николовски кој ги повика граѓаните на трпеливост и најави системски промени во Јавното Скопско претпријатие по локалните избори.
Даниел Ѓорѓевски
