Безбедносната состојба во Македонија е стабилна. И покрај тензиите на Блискиот Исток и воените дејствија меѓу САД, Израел и Иран, премиерот Мицкоски уверува дека нема простор за загриженост.
Тој денеска беше во касарната „Страшо Пинџур“ во скопски Петровец, каде беа претставени 17 нови лесни оклопни возила „страјкер“, набавени од Соединетите Американски Држави. Македонија продолжува со интензивна модернизација на армијата, со набавка на нови возила и опрема, делумно во рамките на проектот „Клиса“ со САД.
