Антикорупциската комисија отворила предмет за обвинувањата на СДСМ и фирмата „Дигитал Оне“

Антикорупциската комисија отворила предмет за обвинувањата на СДСМ и фирмата „Дигитал Оне“, која според социјалдемократите за само една година има добиено тендери од скоро 9 милиони евра. Според СДСМ, фирмата е формирана на крајот на август ланската година и има само двајца работници.
На прес-конференција, СДСМ обвини дека тендерите се потпишани од владини и државни институции во период од мај 2025 до ноември 2025. Тие тврдат дека фирмата е без историја, искуство и портфолио, а е регистрирана за трговија со информатичка и комуникациска опрема.
Новиот претседател на Антикорупциска, Адем Чучуљ, најави колегиум на кој ќе се дискутира за вториот скандал што го објави СДСМ, поврзан со работењето на СОЗРМ и семејна фирма на Ивица Томовски. СДСМ обвинува дека фирмата добила 5,5 милиони евра од вкупно 161 тендер.