Христијан Мицковски со најголема доверба меѓу граѓаните, а ВМРО ДПМНЕ со највисок рејтинг од политичките партии. Ова го покажува најновата анкета на Институт за Политички Истражувања.
На премиерот Мицкоски му веруваат најголем дел од граѓаните, или 27,8%. Сите други имаат помалку од 10% доверба. Максим Димитриевски од „Знам“ е со 4,5%, Димитар Апасиев е со 3,3%, поранешниот премиер Димитар Ковачевски е со 1,8%, а Зоран Заев е со 1,7%. Од албанските политичари Али Ахмети е со највисок процент од 8,4%. Зад него се лидерите од „Вреди“, Изет Меџети и Биљал Касами со 2,2%, а потоа се Африм Гаши и Арбен Таравари со по 1,8% доверба од граѓаните.
Од поранешните премиери и лидери на СДСМ и ВМРО ДПМНЕ Бранко Црвенковски е со 2,3%, додека Никола Груевски е 0,9%. Поранешниот претседател Стево Пендаровски има само 2,5% доверба кај граѓаните. Во ниту еден политичар не веруваат 25,9 проценти од анкетираните.
Во ниту еден политичар не веруваат од анкетираните: 25,9 %. Доколку следната недела има парламентарни избори, повторно ќе победи ВМРО ДПМНЕ. За владејачката партија би гасале 28 отсто од анкетираните. За СДСМ гласот би го дале 10,1 процент, 8,9% за коалицијата предводена од ДУИ, а 7,8% одговориле дека ќе гласаат за ВЛЕН.
Според анкетата, над половина од испитаниците очекуваат новата власт да биде подобра од претходната, а третина имаат позитивно мислење за составот на новата Влада. Дека новата владејачка структура на ВМРО-ДПМНЕ, „Вреди“ и ЗНАМ ќе биде подобра од онаа на СДСМ и ДУИ, сметаат 55,8 проценти од испитаниците, спртивно мислење имаат 11,1 процент , дека ќе биде иста одговориле 21,9 отсто , а не знаат или немаат одговор 11,2 проценти. За новиот владин состав 33,2% од граѓаните имаат позитивно мислење.
Анкетата на Институтот за политички истражувања е спроведена телефонски на примерок на 1089 полнолетни испитаници во периодот помеѓу 18 и 21 јуни 2024 година.
Љубиша Владимиров
