Крајот на есента, односно почетокот на јануари примената на вештачката интелегенција ќе станува секојдневие и во училиштата во руралните средини, најави министерот за дигитална трансформација, Стефан Андоновски.
„Ова е проект што го почнуваме со бритиш коунсил школи на 21 век и ќе започне со реализација јануари 2026 година, затоа што потребни се подготовки со наставниците да можат да го учат кодирањето, примената на кодирањето и алатките на вештачката интелегенција и сајбер безбедност во наставата. Ќе започнеме со работа со наставниците кон крајот на есента, а почетокот на јануари веќе ќе започнеме со работа со училиштата и ќе почнеме токму така од руралните средини.“- изјави Стефан Андоновски.
Во меѓувреме, Албанија доби прв виртуелен Министер во светот создаден од вештачка интелегенција. Колку вештачка интелегенција е застапена во македонската јавна администрација и во владините процеси, Андоновски вели не е често.
„Во јавниот сектор се употребува спорадично , според извештаите на државниот завод за ревизија до сега имало десетина проекти со употреба на вештачка интелегенција во јавниот сектор, но тоа навистина не е нешто што е систематско. И јас повеќе претпочитам да тоа навистина се користат алатките на машинско учење на вештачка интелегенција во работата отколку од тоа да се прави само ПР.“- изјави Стефан Андоновски.
Министерот за Дигитална трансформација ја најави организацијата на Дигиталниот Самит на Западен Балкан 2025, кој повторно ќе се одржи во Скопје, на 1 и 2 октомври 2025 година, во Музејот на современата уметност. На самитот се очекува да се усвои и мерката за 0 трошоци за интернет за македонските и граѓаните од Западниот Балкан кога патуваат во ЕУ. Меѓу другото на самитот ќе се презентираат практични примери за како побрзо да се обезбедат помалку шалтери и повеќе онлајн решенија, функционални прекугранични услуги, посилна заштита на личните податоци и мерки за сајбер-безбедност, зајакнување на дигиталните вештини со цел поголема подготвеност за пазарот на труд. Андоновски додаде и дека таканаречената, информациско-комуникациска стратегија е веќе во владина процедура, со очекување дека до крајот на есента ќе помине во Влада. Таа е еден од клучните столбови за воведување на вештачката интелегенција што значи дека ќе имаме специјален акционен план и рамка за имплементација – прво во јавниот сектор, а потоа и во приватниот.
